ZU

Metro karratu batean ez du zoriak lekua

Zure erabakietan harresiak daudenean.

Hego haizeak tarteka dakar zinenaren usaina

besteen beharren begietan eten zenituenak.

 Zu ihesean eri, zure ametsen hilobian ezkutatzen zara, bidaiatzen.

Munduaren begietan, itsuaren azalean, nekez,

arnasa berritzen uzten duzu, irri gosez.

Oroimenaren bazterretan bizitza apurren bat badela

sentitzen duzun unean denbora pausatzen da.

Zu ihesean eri, zure ametsen hilobian ezkutatzen zara, bidaiatzen.

Zu ahantzitakoen errautsetan galtzen zara bakardadean,

bidaiatzen eri, bidaiatzen,

Zu, zugandik eta zuregana badela zain geltoki bat,

bidaiatzen eri, bidaiatzen..