NEGUAK EZ DIT IRAKATSI

Gezurrek lanbroez estaliak ez didate ene bidea jarraitzen utzi.

Sasitan korapilatuta zure amorruen besoetan naiz.

Neguak ez dit irakatsi,

ene beroa epeltzea besterik,

lurrundutako malkotan ezkutuan ditut arantzen ziztadak.

Fereken goseaz kikilduta bueltatu naiz orbainetan ordaintzera;

bihotza, orroka dudan mamu arrotza, bahituta.

Neguan hostoak ezkutatzen diren bezala sentitzen naiz,

biluzik dauden zuhaitzen artean, ihartzen zaizkit malkoak.